Bêrîvana Li Zozanan Şiiri - Mehmet Çoban ...

Roja min ket şadanîyê
Av dikişe ji kanîyê
Keça kubar şîr didoşe
Mîh jî kom bûn pêş kanîyê

Bêrîvanê kubara min
Şêrîna min, delala min
Lê kulîlka mala bavê
Were destê xwe bide min

​Keça kubar tim kubar e
Hebûna wê min diyar e
Tu hewzanî ew xelat e
Kenên wê jî wek bihar e

Xweş dikale, bi xweş denge
Berxê mor jî şuxûşenge
Keça kubar bêrîvan e
Tim qeşeng e, pir jî şenge

Dem ne sar e, ne jî germ e
Bêrîvanê dil te nerm e
Kubar, kubar kubara min
Yar dimeşî girme girme

Were bibe germ nanê min
Bêrîvana qîzapa min
Bêrîvanê, bi dil û can
Kubar kubar, delala min

Mehmet Çobanoglu
14.08 2026
Gürpınar