Keça Kurdan Şiiri - Mehmet Çobanoğlu

Rewşenbîra gelê Kurdan
Berxwedan e serheldan
Qîza mêrxasan, camêran
Keça Kurdan, şêrê Kurdan

Tu Berîtan tu Şadan î
Delal, tu keça merdan î
Keça Wan'ê û Dêrsim'ê
Tu şervan î tu dozvan î

Keçê, xweşika hogiranî
Ser bilindî, wek çiyanî
Em hêviya biharan e
Tu kulîlka zinaranî

Tu şervanê bindestanî
Qet natirsî! Tim pîyanî
Tu firsend nadî nezanan
Tu hêvî ya me gelanî

Tu şêrîn î, zehf delal î
Karxezala ber meral î
Tu Keçî keça Kurd'an î
Wek şefqa dil zelal î

Neyarên hov te fêmnakin
Rêya qenc î yê venakin
Keça serwext, keça Kurdan
Mirovên nezan şa nakin

Şoreşa me birqebirqe
Roj bi jinan dibiriqe
Bijî bijî keça Kurdan
Ava peng tu naheriqe

Keçika Kurdan rewşenbîrî
Ev roja reş me qemirî
Her tişt zanî, dilê te geş e
Mîna roj ê venamirî

Mehmet Çobanoglu
15.05.2024
Stenbol