Bala ceyranın Şiiri - Sevinc Arzulu

BALA CEYRANIN

Günlərin birində,Muğan elində,
Çantası çiynində,qəmə belində.
Gözümün önündə,tüfəng əlində
Bir ovçu ovladı bala ceyranı.

Mən duydum qəlbimdə sahilsiz ağrı,
Bu qədər zalımlıq deyildir doğru.
Qaçmaqdan az qalır çatlasın bağrı,
Şir,pələng qovladı bala ceyranı.

Canavar başlayar öz oyununa.
Söhbət oyununa,söz oyununa.
Ceyranı tilsimlər öz oyununda,
Başını tovladı bala ceyranın.