Bahar fesli Şiiri - Sevinc Arzulu

Qurum duzaq, getməyəsən
Olum üzağ, getməyəsən.
Məndən uzaq getməyəsən,
Yollarında tilsim olum.

Çəkmə şeytan misalını,
Ayrılığın timsalını.
Əsirgəmə vüsalını,
Qoyma hicrə təslim olum.

Çınqılla dolu kənarı,
Varmı bu yolun hamarı?
Ürəyinin şah damarı,
Kamanında tel, sim olum.

Indi bax, qürbət nə imiş,
Acılı şərbət nə imiş.
Qaranlıq həsrət nə imiş,
Şirin-şəkər vəslin olum.

Soyuq külək, ayazdansa,
Xışıltılı avazdansa,
Sarı yarpaq payızdansa,
Yaşıl bahar fəslin olum.