Aziz Mahmud Hüdayi Şiirleri - Şair Aziz ...

Var ise sende eğer akl ü mezâk
Söyleyen kimseye bakma söze bak

Bal demekle tatlı olmaz bu dehân
Yürü anı tatmağa sa'y et hemân

Âlet olan ilme rûhü'l-rûhdur
Ehl-i rûha ol kapı meftûhdur

Ârifin bir cenneti var âlem-i dünyâda kim
Âhiret cennâtına aslâ tehassür eylemez

Hâlık'ın ger ola tevfîki refîk
Feth olur sâlike ebvâb-ı tarîk

Kâ'be'den eşref tutulsa kalb-i insanî n'ola
Dest-i kudretle yapılmış sun'-ı Rabbânî durur

Emr-i Hakk'a imtisâl etmek kula matlûb imiş
Hem rızâu'llâh tahsîl eylemek mahbûb imiş

Bulmak istersen eğer kadr-i cemîl
Ne vasî ol ne vekîl ol ne kefîl

İlâhî çün halâs etdin müderrislik kazasından
Visâlin lutfedip kurtar bizi varlık azâbından

Derdli olan kullara eyle nazar
Hep senin halkınla olur hayr ü şer