Aziz Mahmud Hüdayi Şiirleri - Şair Aziz ...

Zînet-i dünyâya mağrûr olma gafletden uyan
Ne iyi kalır ne kem bunda konan göçer hemân

Karpuz mu mu'teberdir kar buz mu derler ise
Kış günlerinde kar buz yaz günlerinde karpuz

Mücrim ü âsî kulundan bir günâh eksik değil
Anınçün yâ ilâhî bir gün âh eksik değil

Sâlike olursa tevfîkin refîk
Lâ-cerem âsân olur ana tarîk

Erişirse inâyet yâr elinden
Halâs olur kişi ağyâr elinden

Fazl ü ihsânından ey Kâdir Hudâ
Erse matlûba ne var abd-i gedâ

Cenâbından olursa hüsn-i tedbîr
Eder ol cisme cân elbetde te'sîr

Bâis-i ıslâh-ı âlem Hazret-i Sultân Murâd
Devletiyle eyleyip dâ’im cihanda adl ü dâd

Hazret-i Hallâk-ı âlem râzık-ı cümle cihân
Vâlide Sultânı etsin izzetiyle kâmrân

Sana bir ma'nî diyem ey ehl-i rây
Eğri yohsuldur cihânda doğru bay