Kemâl-i lutf ü ihsânından ey şâh
Dedin Lâ taknetû min rahmeti'llâh
Bu ma'nâdan şu cân kim oldu agâh
Olupdur rahmet ümmîdinde her gâh
Aceb mi Ka'beden eşref olursa kâmilin kalbi
Bunu cân ile isgâ et efendi kavl-i sâdıkdır
Binâsı Ka'be'nin mahlûk işidir seng ü hâk ile
Gönül hod dest-i kudretle yapılmış sun'-i Hâlik'dir
Ger verilse bir kişiye ömr-i Nûh
Hâsıl olsa ana envâ'-ı fütûh
Menzilidir âkibet tahte't-türâb
Kimseye bâkî değildir bu harâb
Yüz sürüp dergâhına abd-i za'îf
Lutf ile ihsânın ister ey Kerîm
Ber-murâd olsun o bî-çâre nahîf
Fazl ile ihsânın ister ey Kerîm
Nebiyy-i müctebâ geldi
Resûl-i murtazâ geldi
Habîb-i bâ-safâ geldi
Muhammed Mustafâ geldi
Gönüllere şifâ olan
Nutfe-i nâ-çîzi insân eyledin
Hamd ü minnet sana ey Rabb-i Kerîm
Ehl-i islâm ehl-i îmân eyledin
Hamd ü minnet sana ey Rabb-i Kerîm
Giydirip halka vücûdun hil'atin
Dışını gerçi lâle vü âle sarmış
Velî hoş bûyu yok kalbi kararmış
Gülü gör kim bu denli hâr içinde
Ne hoş sultân geçer ezhâr içinde
Gel imdi sûrete mağrûr olma
Meânî meclisinden dûr olma
Taht-ı teshîrindedir cümle cihân
Yâ ilâhî sen inâyet et meded
Fazlına muhtâçdır pîr ü civân
Yâ ilâhî sen inâyet et meded
Cümle mevcûdâta sen verdin hayât
Beyza-i zâğı kosan tâvûs ile
Gülşen-i cennetde yapsan âşiyân
Dürlü ni'metlerle etsen terbiyet
Zâğdır andan zuhûr eden hemân
Beyza-i zâğı koyup tâvûs-ı kudsün altına
Cennetü'l-me'vâ içinde ana yapsan âşiyân
Terbiyet etsen anı envâ'-ı ni'metle beğim
Zâğdır ancak yine andan zuhûr eden hemân
Bu şaire henüz hiç kimse yorum yapmadı. İlk yorum yapan sen ol!