Kış günleri zahmetlidir
Yaz günleri ni'metlidir
Rahmânımız rahmetlidir
Kullarına ihsân eder
Hayr ü şer bunda her ne kim ede kul
Âhiretde cezâsını bula ol
Kâfir ü müslim eğerçi cümle kul
Lîk îmân ehlinindir Hakk'a yol
Iyd-ı adhâya erişdirdin bizi
Sana çok hamd ü şükürler ey Kerîm
Zevk-ı a'lâya erişdirdin bizi
Sana çok hamd ü şükürler ey Kerîm
Nedir bu ellerle ayak
Nedir bu dillerle dudak
Aç gözün ibret ile bak
Âlem temâşâ-gâh imiş
Cümle merâtibden geçip
Tevhîd-i zâta vâsıl ol
Hidmet eyle pîrine sıdk ile sen
Hak yolunda bezl ede gör cân ü ten
Her ne kim emr ede et anı kabûl
Kapusında ola gör cân ile kul
Tecellî eylese ol Hayy u Kayyûm
Olurdu mâsivâ hep cümle ma'dûm
Bu ma'nâ ger sana olduysa ma'lûm
Sivâdan var yürü imdi gözün yum
Nedir bir dâneden bunca senâbil
Bu sırrı bilmez illâ ehl-i irfân
Hayâl-i zılla benzer fî'1-hakîka
Vücûdun aynâsında hâl-i ekvân
Aç gözün gafletden uyan
İbâdet eyle her zamân
Receb şa'bân ü ramazân
Mübârek aylardır gelen
Bu şaire henüz hiç kimse yorum yapmadı. İlk yorum yapan sen ol!