Könlün dediyini qismət etməmiş,
O qədər aşiqlər kama yetməmiş.
Hələ qulağımdan səsin getməmiş,
Günlər xatirəyə dönər bir anda.
Arzu bulağından kimlər su içib,
Murada çatmaqçun nələri seçib?
Geriyə baxıram, neçə il keçib,
Atını dördnala çapar zaman da.
Yenə də Şimaldan küləklər əsər,
Şaxta qılınc kimi adamı kəsər.
Hicran həsrət ilə vəslə tələsər,
Ayrılıq odunda inlər kaman da.
23.02.2015
Sevinc Arzulu
Kayıt Tarihi : 8.6.2018 14:16:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!