Ay Şuşam Şiiri - Sevinc Arzulu

Şahlara başını əyməyən Şuşam,
Indi erməninin oylağı oldun.
Kimsənin xətrinə dəyməyən Şuşam,
De, kimin məskəni, yaylağı oldun.

İyirmi beş il keçib işğal gününüdən,
Biz necə dözmüşük sənsiz, ay Şuşam.
Qalmayıb bir əsər toy-düyünündən
Dağların dumansız, çənsiz, ay Şuşam.

Azad edəcəyik ana torpağı,
Şadlığı dostlarla böləcəyik biz.
Düşmənin qəlbinə çəkərək dağı,
Sənin görüşünə gələcəyik biz.
08.05.2018