Axır zaman oldu, gel Şiiri - Sevinc Arzulu

Aldı məni qoynuna,
Ümid güman oldu, gəl.
Saldı məni oynuna,
Həsrət duman oldu, gəl.

Ay ruhsuz qalan bədən,
Fələyi yoldan edən.
Qərib diyara gedən,
Halım yaman oldu, gəl.

Muradına yetmişdin,
Bəxt dediyin etmişdin.
Necə qoyub getmişdin,
Haman-haman oldu, gəl.

Atdın sevən qadını,
Tutdun tamam yadını.
Dəyişdirdi adını,
Oxum kanman oldu, gəl.

Al dünyamın tonudur,
Bal dünyamın fonudur.
Lal dünyamın sonudur,
Axır zaman oldu gəl.