Awirên Lê Botanî ye Şiiri - Mehmet Çoban ...

Meşka xwe jî kêlandî ye
Rûnê xwe jî hilandî ye
Kembera zîv li pişt ye
Nav pişta xwen şidandî ye

Li dêman de gul vedane
Hijmara wan bi sedane
Qêmîş nakî lê binêrî
Ew delalîya Kurd'ane

Her kenên wê Serhadî ye
Awirên lê Botanî ye
Dilê wê jî keda wê jî
Berhemdarî, adanî ye

Ew keçika hêvîdare
Zarşêrîne, evîndare
Rewşnbîre, her tişt zane
Her peyvên wê manîdare

Ew keç keça dilovane
Ew kedkare, bêrîvane
Rêwî yê rizgarîye ye
Rewşenbîr e, her tişt zane

Mehmet Çobanoglu
07.11.2020
İstanbul