Arasında Şiiri - Sevinc Arzulu

Təbiət necə də ürək sıxmasın?
Meşənin evini insan yıxmasın.
Tüstüsü zirvəyə çıxsın, çıxmasın
Qalmışam quruyla yaş arasında.

Ümidlər calansın hər zaman xeyrə.
Çalış, düşməyəsən özgə bir meylə.
Dünyada hər zaman yaxşılıq eylə,
Eh, ölüm göz ilə qaş arasında.

Sevənlər məhəbbət önündə laldır,
Ilk görüş əlçatmaz dadlı xəyaldır.
Ayrılıq ya vüsal? Çətin sualdır,
Deyim, qalmayasan kaş arasında.
30.11.2017