Alqışa gedirim Şiiri - Sevinc Arzulu

Ötüb keçər gəncliyimin qatarı,
Payıza yox, üzü qişa gedirəm.
Qalmayıbdır ürəyimin tutarı,
Həsrət qaldım bir alqışa, gedirəm.

Öz işində mahir,usta qocalıq,
Qapımızı döyür asta , qocalıq.
Edər məni dərdli, xəstə qocalıq,
Aldanıban lal baxışa, gedirəm.

Sal qayalar sərt küləkdən daldadar,
Vüsal çətin mənim üçün bal dadar.
Fələk şirin sözləriylə aldadar,
Vuruluban zər naxışa, gedirəm .
Baxmayaraq qar-yağışa, gedirəm.