Ağlar eşqine Şiiri - Sevinc Arzulu

Bülbül uçub gülə gəlib,
Göz yaşını silə gəlib.
Ürək çoxdan dilə gəlib,
Könül də çağlar eşqinə.

Ərköyünləşib yan yatır,
Yazda gül-çiçəyə batır.
Uca səmaya can atır,
Dərələr dağlar eşqinə.

Göy sularda batmaz gəmi,
Dalğalar onun həmdəmi.
Yetişib şairlik dəmi.
Min dastan bağlar eşqinə.

Dünyanı söz bürüyəcək,
Ayrılıqlar çürüyəcək.
Yolunu düz yürüyəcək,
Sollar da sağlar eşqinə.

Gözlərimdə çən izisən,
Saçlarımda dən izisən.
Sən hamının əzizisən,
Eh, kimlər ağlar eşqinə.