Agir Xistin Birîna Min

Erd û ezman de dûxane
Bet û qulungan fîxane
Kelîn, coşîna dilê min
Wek kalîna kar, berxane

Wek cehê aş min hêrane
Li min danîn ber kêrane
Havîn jî min re bû payiz
Kesera min zehf girane

Xerabûn ket nav baxçê min
Tarî jî bû jiyana min
Eman eman, eman eman
Agir xistin birîna min

Ez ne teyr ne jî bafirim
Li kerbê ye ez nafirim
Xewn û xeyal min re bû jehr
Ji xîzanî yê dimirim

Ber gora min kevir, late
Dildarîya min welate
Cihêtî û belengazî
Ne serkeftin ne xelate

Mehmet Çobanoglu
29.01.2022
İstanbul