Zülmeti çökdü Şiiri - Sevinc Arzulu

Arzular,ümidlər hey təzələndi,
Zamanın kələfi hey çözələndi.
Taleyim mənimlə hey məzələndi,
Gözümə illərin zülməti çökdü.

Döyüşkən ruhumdan “Cəngi”yaranıb,
O uca göylərin əngi saralıb.
Hiss etdi,həsrətdən rəngim qaralıb,
Dağlar öz qarını başıma tökdü.

Deməklə ötənlər geri gələndir,
Əlimdən düşməyən təkcə qələmdir.
Gördü iç dünyası dərddir,ələmdir
Dan yeri gecənin bağrını sökdü.