Zozan Şiiri - Mehmet Çobanoğlu

Çûme nav wan zozana
Kanî,newal,ber bêrma
Zevî,mêrg wan kulîlka
Jor de dengên qulunga

Quling hatin tof,refan
Digeriyan li ser çeman
Tev hatibûn roja,şevan
Berê xwe dabûn golan

Quling daketin nav jir
Çem û kanî li wan zêr
Av vexwarin qim qim
Gotin Qers jî pir şêrin

Quling,bet pir werdek
Meşyan hatin li şevek
Mirg,zevî,warê gunda
Gul vedan reng belek

Hêşîn bû warên welat
Dor tijî gul,kulîlk bûn
Çi xweş bû û şêrin bû
Warê Qers’ê jî geş bû

Bet,quling dimeşîyan
Kon vebûn serê golan
Denk dihat bi meşkan
Keç û qîz,bûk bêrîvan

Dengê wan keça,bûkan
Wek dengê li kewokan
Can qurbana qulungan
Kombûn li dora Konan

Jîyan ketbû ax,zozanan
Kar û berx ser xozanan
Ket geş bûn,siping pive
Berf hêjî ser wan çiyan.

Mehmet Çobanoglu
30.05.2008
Yildirim