Zonê To Şirino Şiiri - Ercan Cengiz

Dayê, Dayıka mı
zone to şirino
noxdê to gêrmi
tore savaci
sebıqêri qı Dayê
heqa to bıdi,

Dayê, Dayıka mı
destê tora
xona
boya tezego ena
zone to dı ro esto
zone dı insani
xontı şirin beno

Dayê, Dayıqa mı
no senê zono
boya tezego
çarneno cicego...

K-34

Xebera Qılmeqı

Cım cımo qı zengınosa, wırniya xo nêwêno
Zon qı be wayir mono, gosono xo werdeno.

Xebera qı nesona, hürindiya xo nêwena
Bena darê dı usk, adıre şüridı qız bena.

.............

Xöyno koti Camêrdo
Rai ra ne qeno.

Xebêra koti
Camêrdo ser nena

K-32

Rocê Ena

Rocê ena
senê hala bu
ezi qi mıronı
tıxêqê mı
ezi qi mıronı

xona
mordemini estasa
zedı nê
ji bostê
yaxut
angorê lesa mı
hêrdi qi wênê sa
icara tepa benê
qenê bınê herdê şayi,

to nê mırenay
tıxêqê mı
to nê mırenay
qedırê xo bı zanı,

ez qı ezo
merdenêra qi
nê tersonı
bı zanı qı
qudretê to rau
xo wira me qı...
tıxêqê mı.

K-25

Dayê Dayê

Dayê Dayê
zonê to tenıqo
qês mavaco
windi benno
wacı Dayê
zonê to çıma
hontı gırano
gıraniya zonira
hêrd jibeno.
Bê bıwênı Dayê
qêlemı damis nıdane
xetı damis nıdane
qıtab xo ser negêno
zono xam bınıdı mono
çikko, adıro
cıko Dayê...
Dayê Dayê
zone to tenıqo
rocora qi gırano
zonodı weso
çıma hontı şirino
roştina cımona
noğda dı to
aşirorê bêsa
aşirê ênê pêser
hemgêno
serbeto, cıko
mordem qı
mordemo
qupe genno
mesımo qi
tam qenno.

K-05

Adır

Erxati amê

arara ravêr

adır vazenê

tersê mı

hêga nıçine

wesnenê.

k.01

Zöyiti

Ni zöyitê ê kami
qutê ma dımıra,
şimı qoti sa
pêsayu peruc
pıroşinê lıngonê mara,
tainonê binora qi eşiyo pê

ji ez niyo,
nai rınd bızanê.

K-35

Bêqes

-Bêqes
amo zon
qêşi qêno-

Gose sıma
mı sero
ez qı ezo
ezo bêqeso
beqêşina mı
alem zano
hometi
sıma qi
bızanê
tometı niya.
Ez qı ezo
ezo beqêso
reina qı
ennı sa
na dina
zengelo
belona
qotidı
benê sa
bıbê
qotidı
estê sa
tedini
ama
tedini
ji bı ji
top qonı
mezelora
düri dı
wêsnonı.

K-03