Zerif olmuşam Şiiri - Sevinc Arzulu

Şərqə doğru köçürəm mən,
Xəzər üstdən keçirəm mən.
Tükü tükdən seçirəm mən,
Yaşlanıb arif olmuşam.

Ürək gərək qəmə dözə,
Inanmaram şirin sözə.
Görünmərəm hər an gözə,
Suyun altda rif olmuşam.

Daşdanmışam,saldanmışam,
Sərt küləkdən daldanmışam.
Yalan sözə aldanmışam,
Bir zaman hərif olmuşam.

Uyumuram möhnətindən,
Üşüyürəm xiffətindən.
Ay əzizim,həsrətindən,
İncəlib zərif olmuşam.

Artmamnışam,azalmışam,
Sanıram ki sozalmışam.
Demə ki çox qızarmışam,
Yamanca tə`rif olmuşam.