Yuxuna girmişem Şiiri - Sevinc Arzulu

Görən heç xatirən acı çəkdimi,
Ymənsiz tənhadımı, sənsiz təkdimi.
Yavaşca əyilib öpdün şəklimi,
Yuxuna-yuxuna girmişəm, gülüm.

Sağ ol ki sən mənə könlünü açdın,
Dünyama günəş tək gur işıq saçdın.
Qəfil səs eşidib üstümə qaçdın,
Qorxuna-qorxuna gülmüşəm, gülüm.

Səni xatırladır şerimin sətri.
Tutubdur başında məhəbbət çətri.
Dünyanı bürüyüb qızılgül ətri,
Qoxuna-qoxuna gəlmişəm, gülüm.