Yuxular Şiiri - Sevinc Arzulu

Vüsalın əlini sıxa bilməyir,
Hicranın köksündən çıxa bilməyir.
Gözünü üfüqdən yığa bilməyir,
Intizar içində qalıb yuxular.

Dostum, namə yazmnaq artıq köhnəlib,
Daha tez büdrəyir şeir köhləni.
Eh, minor ladında yenə köklənib,
Sənli xəyallar dalıb yuxular.

Bir vaxt çox yatana yamanca gülüb,
Sübh tezdən şehlicə iyləyib gülü.
Gəzirlər dünyanı yarımürgülü,
Görəsən yuxusun alıb yuxular?

Dalaşmam onunla tənəsi üstə,
Qonaq olmadığım binəsi üstə.
Elə hey gəzdirir sinəsi üstə,
Şəklini eh, kimdən çalıb yuxular?

Mənin sabahıma dünüm yetməyir,
Rahat yaşamağa günüm yetməyir.
Nə əlim çatmayır, ünüm yetməyir,
Yerini zirvədə salıb yuxular.