Yuxu Şiiri - Sevinc Arzulu

Yuxumda bir nağıl gördüm,
Əsrarəngiz.
Yuxumda bir nağıl gördüm
Çox təbii, süni rəngsiz.

Gördüm küpəgirən qarı,
Cavanlaşıb, göyçəkləşib.
Süpürgənin üstdə deyil.
Taxtın üstündə əyləşib.

Su sonası Fatimələr,
Ayağına su tökürlər.
Nə qırx quldur quldur deyil,
Tənbəl Əhməd avara, veyl.

Sakitləşib təpəgöz də,
Söyləməyir yalan söz də.
Fırlanmayır uçuq ev də,
Acmayıbdır qara div də.

Nə dostlar yuxuya gedir,
Nə də Cırtdan suya gedir.
Sakitlikdir, atəşkəsdir,
Oyan, yuxu gördün bəsdir.