Yusifi-kenan meni qezel Şiiri - Sevinc A ...

Cavanlıq əldən gedib,qocalığa yar olmuşam.
Mənalı baxışların önündəcə xar olmuşam.
Əvvəllər Leyli idim,dönüb Züleyxa olmuşam,
Bilmirəm bəyənərmi o Yusifi-Kənan məni.

Bülbülün ürəyindən keçər yatsın gül kolunda,
Eybi yox, sinəsinə tikan batsın gül kolundan.
Özgəsi barmağını qatlamaz da el yolunda,
Görərsiz xalqım üçün alışıban yanan məni.

Xatirəm hey yaşayar, könlünüzdə uyudarsız,
Hicrimi şeir deyib göz yaşıyla ovudarsız.
A dostlar, bilirəm ki siz də çətin unudarsız,
Sizləri qəlbə həmdəm,dərdə çarə sanan məni.