Yusif mektebe gedir Şiiri - Sevinc Arzulu

Uçub qaçar düzəcən,
Batar şehə dizəcən.
Artıq sayır yüzəcən,
Rəqəmləri çox sevir,
Yusif məktəbə gedir.

Var istiyə dözümü,
Yandıracaq közümü.
Itirirəm özümü,
O qədər sual verir.
Yusif məktəbə gedir.

Yolu uğurlu olsun,
Könlü nağıllı olsun,
Gözəl, ağıllı olsun,
Onundur zaman,devr
Yusif məktəbə gedir.

Boyu yüz qarış olsun,
Elmdə yarış olsun,
Dünyada barış olsun,
Sona yetsin çək-çevir,
Yusif məktəbə gedir.

Qocalmışam mən yəni?
Saçımda artıb dənim.
Ilahi, nolar məni,
Onun başına çevir.
Yusif məktəbə gedir.