Yaş süzülən görməyim o büllur yanağından,
Qaşların çatılmasın, ürəyin qəm yeməsin…
Ayrılıqdan başqa söz çıxmırsa dodağından,
Eləcə sus bax mənə, dilin heç nə deməsin…
Bir naşı üzgüçüyəm göz yaşında boğulan…
Bu həsrəti sevmədim aramıza soxulan…
Sevginin əvəzində ürəyində doğulan
ayrılığı qarğadım …ölsün …heç böyüməsin …
Göydən daşmı yağacaq əgər mənə inansan?!
Nə olar ki son liman gəlib məndə dayansan?!
Yanından yel ötəntək yaman naxoşlayansan…
Sevgimi ört üstünə… ürəyin üşüməsin….
Kayıt Tarihi : 5.1.2025 17:24:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!