Yene de sen Şiiri - Sevinc Arzulu

Qapınıca açıram,
Yenə də qarşımda sən.
Küləyindən qaçıram,
Arxamca yel tək əsən...

Daha inanmıram mən,
Söylədiyin nağıla.
Havalı başım həmən,
Daha gəlib ağıla.

Sənin qaranlıq sevdan,
Evimi də yıxmışdı.
Dedin ulduzdan, aydan
Ürəyimi sıxmışdın.

Elə bil yer adamı
Deyildim mən əzəldən.
Suda batdı adamız,
Su don geydi xəzəldən.

O xəzəl arzuların,
Yarımçıq qalmasıydı.
Qar yağdı narın-narın,
Həsrətin çalmasıydı.

Bu qocaman həsrətin
Cavanlığı olubmu?
Görəsən məhəbbətin
Sevda gülü solubmu?

Solubmu vüsalımın
Al rəngli qızılgülü?
Görüş ehtimalımın,
Parlamır zərif tülü.

O tülü gün yandırıb,
Ayrılıq küləyiylə.
Insanlar böyük olur
Sevdalı ürəyiylə....