Yeganem Şiiri - Sevinc Arzulu

Neçə ilin dostuyuq,
Iki əsrin bacısı.
Gözəl şeir tostuyuq,
Şirindir, yox acısı.

Yeganə müəllimə,
Deyir sənə uşaqlar.
Sən ömrümdə zər ilmə,
Yaxın olsun uzaqlar.

Mənim əziz rəfiqəm,
Uşaqlığın sirdaşı.
Ad günün xoş dəqiqəm,
Mübarəkdir hər yaşın.

Təbrik edirəm səni,
Cani-dildən, Yeganəm.
Billəm, sevirsən məni,
Min könüldən, Yeganəm.

Bir zamanlar necə şən,
Günümüz olub bizim.
Ildir yarpaq tək düşən
Xoşbəxt ol, ay əzizim.