Yeddinci qite Şiiri - Sevinc Arzulu

Xəyallar heyrətə geyir əynimi
Günəşin çıxması açmır eynimi.
Suallar yamanca yorur beynimi,
Dünyanın sonuncu nöqtəsindəyəm..

Sənin hər söhbətin, gülüşün saxta,
Mən necə sevinib əl çalım baxta.
İndiki zamanda , indiki vaxtda,
Dünyanın yeddinci qitəsindəyəm.

Həsrətin dənizdə üzən ağ gəmi,
Tufana dözmədi ömür yelkəni.
Fərəhli anlarda axtarma məni.
Fələyin kədərə diqtəsindəyəm.