Yaxşı sına da Şiiri - Sevinc Arzulu

Bu nə xəstəlikdir, bu nə azardır,
Elə qürrələnir, sanki Sezardır,
Pisindən Allahın özü bezardır,
Qurbanam dostumun yaxşısına da.

Allah da çox sevir qəlbən kübarı,
Olmasın könlündə dərdi, qübarı.
Heç vaxt əyilməsin dostun vüqarı,
Namərdin qüruru yaxşı sına da.

Başımın üstündə ildırım çaxır,
Tanrının ruzisi başımdan axır.
Bivəfa dostları neynirsən axı,
Dar gündə onları yaxşı sına da...