Yaxşı sın Şiiri - Sevinc Arzulu

Köhnə paltar təzə kimi geyilməz,
Acı xəbər birdən-birə deyilməz.
Söyləyiblər :”Polad sınar, əyilməz”,
Sən ay dəmir, yaxşı əyil, yaxşı sın.

Məhəbbətim dalğalı Xəzər olub,
Üzərində göz olub, nəzər olub.
Pislərindən, eh, dünya bezar olub,
Mən sevmişəm adamların yaxşısın.

Aman Allah, bu eldən ceyran gedib,
Təbiətə kəsilib heyran, gedib.
Yəqin axan gur selə qurban gedib,
Yamana de, tapammadımYaxşısın.