Yaşlanmayıb deyesen Şiiri - Sevinc Arzulu

Hər sevgi şerindən bir misra yeyib,
Özgədən danışıb, özündən deyib.
Xatirən yamanca al-əlvan geyib,
Mənim kimi yaşlanmayıb deyəsən.

Yenə də qapımı döyür ayrılıq,
Görüşü astaca söyür ayrılıq.
Özünü yamanca öyür ayrılıq,
Şeytan təkin daşlanmayıb deyəsən.

Taleyim, sən mənə ağ libas toxu,
Bəxtindən yarımır sevənin çoxu.
Fələyin özü tək qapqara oxu,
Pis insana tuşlanmayıb deyəsən.
18.12.2018