Yaşıqurtarmaz Şiiri - Sevinc Arzulu

Əlimi uzatsam əlinə yetməz,
Adın ürəyimə həkk olub. itməz.
Nə qəlbimin qəmli sevdası bitməz,
Nə də ki gözümün yaşı qurtarmaz.

Sən bir sarvan oldun hicran köçündə,
Əridin həsrətin sonsuz heçində.
Əbədi qalacam dərd-qəm içində,
Məni bu kədərdən naşı qurtarmaz.

Kipriklər oxdursa, qaş yaya bənzər,
Camalın nur saçan bir aya bənzər.
Bu dünya çınqıllı qayaya bənzər,
Şeytana atılan daşı qurtarmaz.