Yaşayım Şiiri - Sevinc Arzulu

Könül dərddən odlanar,
Dəli ürək adlanar.
Çətin yalqız şadlana,
Dözüm üçün yaşayım.

Aldanaraq tovlanar.
Ürək qəfil ovlanar.
Yenə də alovlanar,
Közüm üçün yaşayım.

Kədər qoyular dincə,
Fərəh incədən incə.
Nur simamda ikicə,
Gözüm üçün yaşayım.

Lütvdür mənə verdiyin,
Başımı göyə ərdiyin.
Beş-on kəlmə dediyim,
Sözüm üçün yaşayım.

Olmuşam sanki sürgün,
Gözümdən qaçmır mürgüm.
Heç olmasa bircə gün,
Özüm üçün yaşayım.