Yaşanıb gedenler Şiiri - Sevinc Arzulu

Hərdən taleyimin pəncərəsindən,
Boylanıb baxıram dağlara sarı.
Işıq, güc alıram hər zərrəsindən,
Günəş əridibmi görəsən qarı...

Dolanma qəlbimin dərinliyində,
Görüb eləyərlər, sonra söz olar.
Könlümün əbədi sərinliyində,
Sənsizlik sönməyən atəş-köz olar.

Yaşanıb gedənlər bir atım deyil,
Könlümdə özünə yuva quracaq.
Bilirəm, etdiyim səhv addım deyil,
Məhəbbət ayaqda dimdik duracaq.

Uyuyub yalanın daş qollarında,
Həqiqət necə də yuxuya gedib.
Min əngəl olaydı kaş yollarında,
Ağılı ətirli qoxuya gedib.

Süzülüb gedirəm torpağa kimi,
Qəlbimin ağrısın çəkib aparsın.
Elə solmuşam ki yarpağa kimi,
Torpağın üstünə çöküb ağarsın.

28.06.2018