Yaşam bu gece qezel Şiiri - Sevinc Arzulu

Dərdimi şama desəm, tez sönəcək şam bu gecə,
Nə su içmiş,nə də ki eyləmişəm şam bu gecə.
Eşqinin gücündən,ey gül, gur axan sel olmuşam,
Çıxıban yatağımdan bəndimi daşam bu gecə.

Işğal olub dörd yanım,düşmüşəm əsiri-kölə
Həsrət,hicran səddini bəs necə aşam bu gecə.
Inan didir qəlbimi amansız şübhə- gümanlar,
Səninlə görüşək gəl elə bu axşam,bu gecə.

Alıb ağlımıl başdan dəli edir sənsizliyin,
Az qalır düz yolumu unudub çaşam bu gecə.
Durub ayna önündə bəzənibən gözəlləşim,
Qonağım olacaqdır sultani-paşam bu gecə.

Durmuşam altında mən güclü yağan ağ yağışın,
Iliyədək islanıb nəmliyəm,yaşam bu gecə.
Əgər “hə” əvəzinə bircə kəlmə “yox” söyləsən,
Itirər mə`nasını həyatla yaşam bu gecə.

Gülüm,göz qabağında çağlayan göy Xəzər olsan,
Dönüb mavi dalğaya fərəhdən coşam bu gecə.
Sevincəm ,məhəbbətin məni şair eyləyibdir,
Sənin eşqinlə gərək seirlər qoşam bu gecə.