Od yandırdı gülünü,
Səpdi yerə külünü.
Beş ilin hər gününü,
Yaşadın ümid ilə.
Qarabağa yürüşdü,
Şuşamızla görüşdüm.
Bir səngərdə vuruşdun,
Özün tək igid ilə.
Ağlatdın dost-yadını,
Zərlə yazdın adını,
Daddın zəfər dadını,
Neçə min şəhid ilə.
Atan uca bir dağdı,
Deyirdi balam sağdı.
Onunla birgə yağdı,
Dost oldu bulud ilə.
Ana övladçun çökər,
Gözündən qan-yaş tökər.
Qəlbi tək nalə çəkər,
Dərd həmahəng ud ilə.
Kayıt Tarihi : 3.5.2021 14:27:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!