Yaşa Sevinc Şiiri - Sevinc Arzulu

Kimin başına tac oldun,
Dərdinə bir əlac oldun.
Ömür boyu möhtac oldun,
Qara gözə, qaşa Sevinc.

Düşmən çıxmaz kirdən, hisdən,
Görünməz ki duman-sisdən.
Uzaq ol xaindən . pisdən,
Tez uzaqlaş, haşa Sevinc.

Söz elində satıcısan,
Min şirinlik qatıcısan.
Sən ki mahir atıcısan,
Oxun dəyməz daşa Sevinc.

Bu gözəl çağ sənin üçün,
Bu xoş növraq sənin üçün.
Bu təmtəraq sənin üçün,
Keç yuxarı başa, Sevinc.

Bu dünyanın sev, incinir,
Sev dürrünü, sev incini.
Altmış yaşın sevincini,
Doya-doya yaşa, Sevinc.