Yaş süzüler Şiiri - Sevinc Arzulu

Dərdi qəmə qatma Sevinc,
Fərəhini atma Sevinc.
Sən gəl yasa batma, Sevinc
Gözlərindən yaş süzülər.

Yol üstündə neçə irmaq,
Qazımışam cırmaq-cırmaq.
Nə çətinmiş qaya yarmaq,
Dərd danışsam daş büzülər.

Xatirəni məhv etmişəm,
Ürəyimdə dəfn etmişəm.
Ah, nə qədər səhv etmişəm,
Dil ucunda ”kaş”düzülər.

Doğuldun ayaqüstə sən,
Azacıq boyu bəstəsən.
Bircə əmrinlə istəsən,
Neçə-neçə baş üzülər.