Yaz axşamı Şiiri - Sevinc Arzulu

Hasilə yetməyən bir arzuyam mən,
Nur olmaz qaranlıq, ha yandır şamı,
Bir qəfil görüşə tamarzıyam mən.
Yadıma düşmüsən bu yaz axşamı.

Kim deyir ayrılıq ürəyi sıxmaz,
Şaxta-boranıyla, qar-qışlarıyla.
Bu gecə boğular, sabaha çıxmaz,
Qadın axıtdığı göz yaşlarıyla.

Gedənlər geriyə qayıtmayır ki,
Qurtarmaq bilməyir yersiz davalar.
Könlümdə xoş duyğu oyatmayır ki,
Nahaqdan çalınır bu şən havalar.

Hərə bir tərəfdən gəlir üstümə,
Qalmışam altında söz yağışının.
Düşmən yığılacaq korun tüstümə,
Çalmışam altundan köz yağışını.