Yara Min Şiiri - Kazim Özdemir

Bi sala ne ji bo kar dikim
Di hisreta te da ax û zar dikim
Derketim ser çîyayên bilind, gazî yar dikim
Didim nadim ji destê neyar nikarim te azad bikim

Tu evîndara min, yara ber dilê minî
N,karim dev ji te berdim, kul û kesera minî
Jîyana min. evîna min, dost û gula mala minî
Nizanim ji bo te çi çêkim, çewa te xilaz bikim

Derdê herkes şan, şoret, serwet, mal û milk in
Naxwazim van, tê bê te, ev ji min ra çi bikin?
Ji bo bigihîjin te, em kar û xebat dikin
Ez bi mirazê xwe şa nebim gelo ezê çi bikim?

Tu canî, ruhî, dostî, yarî, evîndarî
Ji min ra malî, milkî, sewet û serdarî
Tu ne azadî, li ber destê neyarên zordarî
Ji bo bigihîjim te ey yar gelo ez çi çêkim

Emden/ Elmanya 10.07.2007