Yamyaşıl Şiiri - Sevinc Arzulu

Dövlətli deyilsən çox varın olsa
Varlısan çox xoşbəxt diyarın olsa.
Altnda qara rəng mirvarı varsa,
Bu qəm dənizinin üstü yamyaşıl.

Nə günə qoydu gör məhəbbət bizi,
İzləyir daima hey töhmət bizi
Elə yandıracaq bu həsrət bizi,
Alovu aldırsa,tüstü yamyaşıl.

Alına yazılıb ayrılıq sözü,
Bizdən əl çəkməyir ayrılıq özü.
Abidə qoymadım hicrana, düzü
Vüsalın əbədi büstü yamyaşıl.