Yalnız özümüz Şiiri - Sevinc Arzulu

Kədəri,qüssəni sanıram həmdəm,
Sevihci qəlbimdə az saxlayıram.
Mənim ala gözüm olur daim nəm,
Bir nakam sevgiyə yas saxlayıram.

Yenə də titrədi könlün qəm simi,
Yenə də gözlərim yaş ilə doldu.
Kəsdi aramızı həsrət tilsimi,
Al sevgi baxçası beləcə soldu.

Bizım aramızda bir söz olmadı,
Danışdı kədərli gözümüz bizim.
Qəlbləri yandıran od-köz olmadıq,
Bu oda alışdıq yalnız özümüz.