Yadıma düşürsen Şiiri - Sevinc Arzulu

Yadıma düşürsən yağanda bəyaz qar,
Olmadı arada nə peyman, nə ilqar.
Yadıma düşürsən yağanda gur yağış,
Gözümdən getməyir qəlb üzən o baxış.

Yadıma düşürsən ildırım çaxanda,
Hicranın göz yaşı üzümə axanda.
Yadıma düşürsən ruzigar yarpağı tökərkən,
Səni mən görmüşəm hicrandan diz üsə çökərkən.

Yadıma düşürsən,əzizim, həmişə,
Yadıma düşürsən hər dəfə günəşə baxanda.
Yadıma düşürsən gözlərim yaş ilə dolanda.
Yadıma düşürsən açılan qızılgül solanda.
Həmişə yadımdasan,
Həmişə yanımdasan...