Ya haydır Şiiri - Sevinc Arzulu

Ümidlərim, arzularım pərişan,
Göz yaşlarım sel-sulara qarışan.
Nədir görən kəhkəşanda sayrışan,
Günəşmidir, ulduzmudur ya aydır.

Gör hicrindən vəslin qəşş eylədiyin,
Həyatıma qəmi nəqş eylədiyin.
Çərx-fələyin mənə bəxş eylədiyi,
Rüşvətmidir, hədiyyədir ya paydır.

Dönmədim başına, olmadım fədan
Həsrətinin acı dadın mən dadan.
Qulağımdan çəkilməz ki səs-sədan,
Qışqırıqdır, çağırışdır ya haydır.