Xurcê Me Valaye Şiiri - Mehmet Çobanoğlu

Sal bihurîn derd jî maye lo dilo
Xemgînîye, xerîbîye li bo me
Qêrîn, nalîn, êş û jane lo dilo
Cîhan şeve roj bû zîndan li bo me

Nêm û xwîn e me dikişe lo dilo
Birîna nav dilê me de pir kûre
Bêçareya xerîban e lo dilo
Warê me û welatê me zehf dûre

Birçîbûn tîbûn zehf zore lo dilo
Dilê me û kezeba me nexweşe
Roj me re reş e qetran e lo dilo
Xem û keser me re ma, ev çi rewşe

Tûr û xurcê me valaye lo dilo
Salane ji bo me cîhan tarîye
Dewlet ji me de hal nehîşt lo dilo
Bi rojane her der li me berîye

21.08.2015
Stenbol