Xoşuna getdi Şiiri - Sevinc Arzulu

Çox çətinmi anlamaq,
Yarı yavaş yanlamaq.
Səbəbsizcə danlamaq,
Görrəm, xoşuna getdi.

Özün ifrit, ibinə,
Düşdün yerin dibinə.
Deyən əlin cibinə,
Vallah, boşuna getdi.

Başdan öcü atmadı,
Qəlbə ucu batmadı
Mənə gücü çatmadı,
Fikri qoşuna getdi.

Gəl, ay başıbəlalım,
Doğmadı ki hilalın,
Sənin fikrin, xəyalın,
Məzar daşına getdi.

Nədir səndən çəkdiyim,
Bağında gül əkdiyim.
Tənhalığın, təkliyin,
Gözün yaşına getdi.