Xoş gördük 52 yaşım Şiiri - Sevinc Arzulu

Gecəli-gündüzlü döyünürəm mən,
Nənə olmağımla öyünürəm mən.
Sənin gəlişinə sevinirəm mən,
Gün-gündən çoxalır dostum-sirdaşım,
Xoş gördük, xoş gördük əlli iki yaşım.

Həsrətin gözünü külnən oyurdum,
Vüsalın özünü gülnən doyurdum.
Çiçəyi güldana tülnən qoyurdum.
Acı bir kəlmədən ağrıyır başım,
Xoş gördük, xoş gördük əlli iki yaşım.

Ötəndən-keçəndən bac alıram mən,
Günəşin özündən tac alıram mən.
Demə ki yaşlanıb qocalıram mən,
Daha da parlayır brilyant daşım,
Xoş gördük, xoş gördük əlli iki yaşım.
21.08.2014