Xezerimizin Şiiri - Sevinc Arzulu

Təbiət sirrindən baş açmaq olmur,
Gahdan isti olur,gah da qar gəlir.
Taledən, qismətdən heç qaçmaq olmur,
Bu dünya gözünə bəzən dar gəlir.

Öpər ayağını mavi dalğalar,
Həniri bir anda qəlbinə çökər.
Ləpələr uşaq tək səni yırğalar,
Ayrılıb gedərsən,göz yaşı tökər.

Xətrinə dəyməyək Xəzərimizin,
Danışıb dərdləşək üz-üzə durub.
Göylərə zilləyək nəzərimizi,
Ilahi naxışı nə gözəl vurub.