Xeyalım Şiiri - Sevinc Arzulu

Işıqlı sürəti hey kəm oluban,
Varıb gətirdiyi dərd-qəm oluban,
Qəlbimin sirrinə həmdəm oluban,
Mənim tək gözləri dolan xəyalım.

Amalı döyünən ürəyə dönüb,
Ona ilham verən şirəyə dönüb.
Hərdən əsəbindən küləyə dönüb,
Söyüdün saçını yolan xəyalım.

Qaranlıq gecədən qo\rxub da qaçar,
Alaca gözümə gur işıq saçar,
Ruhumda hamıya qol-qanad açar,
Ürəyimdə mənim olan xəyalım.